 | ||
| Rev HS Luaia Padma Shree |
Kum 2006 March thla khan Serkawn ka chhuahsan tak tak dawn ni a ka hriat avangin mi chhuanawm china ka ngaih- Rev Dr HS Luaia, Rev Dr CL Hminga, Rev KT Chungnunga, ldt., thlalak pui ka duh tlat mai a. Aizawla ka phei dawn zanah Pu Luaia chenna ‘Little Haven’, Ramzotlang, Serkawnah ka thiante leh Sir Manunmawiate chhungkua nen kan va leng a. A tute chuan(ka hmelhriat anni) min lo hmuh chuan “Ka pu inleng i nei” tiin an hrilh vat a.
Min hmuh chuan a ding deuh uai a, “Takam(chakma) i ni em?” min ti a. A tute vek chuan “Ni love, Krista... Krista Roluahpuia a nih hi.." an ti a. Ka hming a hriat thu leh a rin ai daihin ka nuapan thu min hrilh a; ka khi vur vur mai a ni. Thlate kan lakpui hnuin kan hawsan leh ta a. Tunthleng hian a la dam a. Kum 100 chuang Pathianin kan zingah a la awm tir a ni. A damlai ngei hian amah ngaihhlut nan a chanchin tlem ka lo thai lang ange.
Pathian chhiahhlawh, a theihna zawng zawng Lalpa petu hi midang tan a tangkai em em a. A chanchin hi zirtu pawh an tam. A ngaihdan, a thu leh hla hi kan zoram kalsiam nan hian mi remhriate'n an hmang nasa em em a ni. Amah avanga PhD nei ta pawh hi an kat nawk tawh ang le.
Kum 1909 khan Tawipui ‘S’ ah a piang a. A hming tak chu Sawiluaia a ni a. Hrahsel hnam a ni. Kum 1924 chho khan Serkawnah Middle sikul a kal a. A pass hnuin kum 9 chhung Khuanghlumah zirtirtuah a tang a.
Van lam kohna a chhan hnuin kum 1935 Pathian thu zirturin Cherra Theological College lamah a liam ta a. Kum 3 chhung a zir hnuin kum 1938 khan Pro. Pastor atana lak nghal a ni a. A kum lehah Pastor atan nemngheh a ni.
Baptist Church of Mizoramah Church Secretary(Tuna General Secretary ang hi) chu kum 1946 atang khan a ni tan a. Kum 5 dan zelah an thlang nawn thin a, vawi 5 a zawnin an thlang nawn leh a ni. Tin, ZBM Secretary a ni leh bawk a. Hemi mai bakah Pastor bial enkawlte, Hospital Chaplain nih thlengin a chelh chho vek a ni. A pension hnu khan Bible Society Lunglei branch-ah kum 11 zet President a ni leh a. Tin, a pension hnu tho hian kohhran tirhin Bible lehlinna lamah kum 11 bawk a thawk a ni. Zai a thei hle bawk a. Tonic Solfa-ah Intermediate Certificate a la bawk. A tonic solfa thiam hi Baptistin an chhawr hle.
Pathian thusawi a thiam em em a. Kraws thu hi a sawi duh bik hle a. Uar takin a sawi thin. A sermon hi vawi tamtak ka ngaithla tawh a. A hlawkthlak thin khawp mai. Hlimna(Harhna) ngaina mi a ni a. Baptist hruaitu a nih hma khan hotute'n Hlimsang kha an duh lo thin hle a. Mahse amah hian apawng ataka khatia han do ngawt kha dikin a hre lova. A zarah Baptistin hlimsang kan pawmthiam phah ta a. Harhna pawh zing deuhin a thleng ve ta zel a ni.
Lehkhabu hi 10 chuang a ziak tawh a. Kum 102 a pelh tawh hnu pawh hian ala ziak reng a ni. Mizo Upa Pawl president te a ni bawk a. Tin, Mizo Academy of Letters ah PATRON a ni a. Lok Adalat Member a ni bawk.
Mizoram buai tum khan Kohhranin Peace Accord leh Citizen Committe a din a, chutah chuan Chairman a ni. Remna leh Muanna zawn chungchangah hian Presbyterian nen kan thawk ho a. Chutah chuan member a ni a. Rev Dr Zairemate nen hian an thawk nasa hle a ni. Rambuai hun laia an hnathawh avang hian mihring nun tamtak chan tur kha kan chan loh phah a ni. A hlutzia hrethiam tan chuan lawmthu sawi mawlh mawlh na tur a ni.
Tin, Rev Dr Zairema nen hian an in thiantha hle a. An pahniha lehkha an inthawnna pawh lehkhabuin an chhuah hial a nih kha.
Social work lama a thawhthatna avang hian kum 2002 khan Padma Shree hlan a ni bawk. Tin, kum 2000 khan Seraptore College senate chuan Doctor of Divinity a hlan bawk a ni.
A chanchin hi sawi tur a tam. Kumin June thla khan a nupui Pi Lalengi(90) chu a sun a. A lainatawm hle. Mizoram kohhran hruaitu hmasa leh milar Rev.Dr HS Luaia hi tunah hian kum 102 mi niin Serkawnah a tu leh fate nen an cheng mek a, tar chak lo tak ni tawh mah sela mit lawngin lehkha erawh a la chhiar thei. Inleng leh kawmtu mi pawimawh tak tak a la nei reng thin a. Medical doctor lamin in leng nei tlem tura an ti reng a mahse amah hian a rawngbawlnaah ngaiin thatakin a lo chhawhchhaih thin. Tunlai khawtlang nun zirna lam mai ni lo hmanlai hun thlengin ama ngaih dan hi tunlaia kan mi thiam hote hian an la nasa em em a ni. Pathian mi hman hian Mizo Kristiante minla dampui hi Pathian malsawmna a ni e.
Nang nge nge, miropui ngaihsan nachang i hria a, i titha khawp mai. In pahniha in thlalakdun chu i rawn tarlang dawn emaw ka tia, han tilang law law la maw le.
ReplyDeleteEducation hi lehkha zir ngut ngut lam ni lovin "Allround development" a ni a, thuziak lampang pawh hi han in develop sauh sauh teh le.
A ropui hle mai. I blog theme hi a mawi dangdai reuh..:)
ReplyDeleteBlog i nei tha hle mai. Rawn len luh fo tur a nih hi. Ka add che a nia. Amazing grace head a i hmang hi ka ngaina tlat. A chhan chu ka piantharna hla ve a nia. Mi ropui te chanchin hetia vawn nun nachang i hria hi i fakawm khawp mai..
ReplyDeleteA bengvarthlak e. A hmingpum hi ka vawikhat hriatna a ni lehnghal! Sulhnu a lo nei puiin tunlai tawngkam takah a bawn khawp mai.ghal! Sulhnu a lo nei puiin tunlai tawngkam takah a bawn khawp mai.
ReplyDelete@ Sir Caribou: A lawmawm thin e. Nia dah thei ila tha nia, a soft copy ka lo kawl lo alawm le. Aizawlah lam a ngai. A hmunah kan awma ngaihsan na chang kan hre lo viau a, pawi ngawt mai. Mi hian hmun dang atang hian an ngai hlu si a.
ReplyDelete@Sangpuipa: Chuti mi. I thuziak kha chhunzawm vat rawh. hahaha.
@Noddy: Ka lawm e. I bleg kha a changtlung zawk.. Min add a ka lawm lutuk. I did the same before.
Amazing Grace tih hi a ropui a ni. I piantharna dan pawh a fiah kek kawk viau ang le! Lo leng zel rawh.
@TS: Ka nau duh tak. Ka tran thin che. Rilru huaisenna leh dikna nei zel ang che. 'Mi hian tunge ka ni min tih' tia azawhna hi kan thiamna leh finna lam hian a chhang fuh lo fo thin a. Mi dang tana mi tangkai kan nih theih dan hian chhanna dik min pe thin.
Lo leng lut fo rawh. I blogah keipawh ka lo kal ziah. :)
Tunlai chu blogger chiang lo nge mawni, mobile atanga ka comment hian comment pakhatah pahnih a awm ziah mai. A ngaihna tak pawh ka hre lo ve a.
ReplyDelete@TS: A ni mai thei. A lo double keuh alawm khi. Mahse keini akarah engmah a pawina awm lo.
ReplyDeleteWeek End hman nuam le!
Krista, ka blog post pakhat kha chu ka chhunzawm tawh lo ang,hihi. Ngaihtuah zui atan ka dah ang chu ka lo ti mai mai a.
ReplyDeleteHet.... Sangpuiipa a fair lo....:)
ReplyDeleteMizopa ka ngaihsan te zinga mi ani. An nupa pawh chuan an damrei dun hle mai!
ReplyDeleteA ngaihsan awm hle mai, chawmawi tlak te hi chu, mipui te pawhin kan hriat a tha thin, Good post
ReplyDelete@Seki: Ngaihsanawm tak a ni. A chanchin hi mizo dam zingah chuan a ngaihnawm ber ang. A damrei chhan hi nikum khan ka zawt a, "Mihring tak chuan tui ka in tam vang a ni" a ti meuh mai.
ReplyDelete@Hmelthate: An damlai ngei a chawimawi hi a tha alawm tiraw. Nakinah article puitling kala siam ang.
I don't understand. But seems to be good!
ReplyDeleteKa ngaisang teh mai a nia. A chanchin a ziahna bu pante kha ka lei a, kan nu nen kan chhiar a-inpekna kawngah entawntlak kan ti khawp mai. ka mi ngaihsan tak i rawn post a, ka lawm hle mai.
ReplyDelete@Rajendra: Thanks for the visit!
ReplyDelete@Pu Rp: A lawmawm e kan ngaihsan a in ang a. Nang pawh Zoram lama i chhuah chhoh hun chuan ila che ve ang chu...
Vawi khat ka kawm ve a. Ama inah, formal thlapa incheiin min lo kawm a, ka tluk lo hlein ka hria
ReplyDelete@Pu Tluang: Vawikhat tal chu a damlai hian i kawm leh dawn lawm ni? Thih hnua inchawimawi hi ka lo duh loh pui ve em em che ania.
ReplyDeleteNangpawh hi ka kawm chak che. Ka zawh hmasak ber tur che chu-'Pu K Sapdanga nih i duh em?' tih hi a ni..hahahaha.
in pahniha thlalak chu en va chakawm ve aw...kris...chakma i ng tak tak em tihte pawh hriat achakawm alawm ele nui nui nui
ReplyDelete@Rem: Ka lo la hlui ang che u. Ka thup mawi rih mai mai a ni...hahaha.
ReplyDeleteSerkawna ka awm tirh chuan chakma emaw min titu hi an awm nual. Ka ang deuh aniang. An tawngte pawh hi hman nuam ka ti reuh bawk sia..hahaha.
Tak takin Chakma society kha ka ngai khawp mai.