Thuhma
Hun leh nite hi an lo ral chak khawp mai. Kan awm mai
mai emaw kan tih lai hian Pathian hruaina avangin kan hun engemawzat chu kan lo
hmang ral leh tawh mai thin. Kan fel leh that avanga nungdam kan nih loh zia
ngaihtuah hian lawmna tur a tam thin e. Hmangaih Pathian A nihna hian kan
chunga thatna chu Ni angin a entir zel a ni.
Nikum Winter chawlh result
Nikum Decmeber thlaa ka zu puih Baptist Comprehensive
School, Putlungasih chuan HSLC pass nei thei mang lo thin kha 100% pass
percentage an nei ve ta tlat mai. Principal inpekna zar liau liau a ni a. A
lawmawm ka ti takzet a ni. Pathian ropui ber se!
Putlungasihah bawk chuan
Result neih that chhan kha keimah vang emaw an ti deuh
tlat pek a. Kal leh turin min duh deuh tlat mai a. Hei ka inhawlchhuak leh dawn
a ni. A challenging thei khawp mai. Rawngbawlna tha min siamtu an Principal S
Lalramengi chungah ka lawm a. A thawhrimna leh tumruhna – Mission Education
lama a tanzia fakawm ka ti em em thin.
Puan tel meuha rawngbawla ka
chhuah hian malsawm ka ni thin!
College ka kal lai pawh khan hetianga chhuti laia
chhuah hi ka ti thin a. Puan tel meuha – thildang tamtak chan chunga A rawng ka
bawl hian ka zirnaah ka ti tha em em thin tlat mai a nih chu mawle.
Tun kumah pawh hian nikum Decmeber thlaa ka
rawngbawlna vang ni ngei tur a nit un Semester-a ka course work neih chu ka zo
tha khawp mai. Tun semester-ah rau rau chuan ka SPI(mark hmuh) a sang ber a ni.
Thiante mak tih khawpin ka ti tha a mahse Pathian vang a nih zia bak sawi tur
ka nei lo thung!
Hun tha tak lo hmang ang che
Pathian hian chhan nei lovin ka chungah hian engmah
thlen tir a nei lo. Awmze nei tak leh ruahmanna fel tak siamin min hruai thin a
lo ni.
A va lawmawm ve aw! I hnathawh vanga puh loh chi ni hek lo. Han ti leh tang tang rawh khai.
ReplyDeleteI zirlaia i tih that avang pawh chuan ka lawmpui khawp mai che, Thianpa.
Ka reh deuh kan han home leave ve alawm le, chhungkuain.
Pathian ah rinna i nghah tlat na hi a ropui ka ti thin. Nasa takin a la chawimawi chho zel ang che tih hi ka beisei tlat ani.
ReplyDeletePutlungasih result tha tak khi i thawhrim rah a ni ka ti lo thei lo. Result nei tha thei ngai reng reng lo kha hmangaihna dik tak rilru pu chungin i han zirtir ta a nia, engtin tak fuih ang che maw.
ReplyDeleteLehkha thiam sa vek awm khawm, a thiam thiam lawrkhawm ngat han zirtir hi a nuam a, result pawh a tha thin; mahse thingtlang berh ve taka zirlai, a nawra nawr kal ngai, ngawng ve tak tak te tha taka pass tir theih tluka harsa leh ropui a awm thei lo. I thawhrimna leh inpekna ropui tak hi, tu'n sawi lo mahse ka hm chiang khawp mai.
An principal S.Lalramengi khi, BBS-a nangmah lo zirtir tawhtu kha a ni hial lo maw??????
Ekhai a.. helamah daih maw? nupui i nei emaw ka ti hman thelh a lawm :fiamthu:
ReplyDeleteKa chhiar a ka thinlunga lo lang chu, "Tin, chu mi lai tak chuan Isua chu Thlarau Thianghlimah a lawm em em a, “Aw ka
Pa, lei leh van Lalpa, nangin mi fing leh mi bengvarte hnenah heng thu hi i zep a, nausente hnena i puan avang hian ka fak a che; a ni, ka Pa, chutiang tih chu i ngaihin a tha a ni" tih hi.
Nangmah kal tlangin Pathianin hna a thawk a ni maw... a va lawmawm tak em! Chu mai ala ni lo!! nangmah ngei pawh malsawmin i awm lehzel - A ropuina i hmu bik!
Taksa chu a hahin thinlung erawh ava chawl dawn em. Pa Pathian, Fapa Isua Krista leh Thlarau Thianghlim chuan awmpui chein hruai zel che sela, malsawmna i hriat phak lohin vur mawlh che rawh se. Pathian fakin awm sela, Isua Krista chawmawiin awm rawh se!
Pu Rp: Hei, tluang takin ka lo hawng leh tawh e. Reportte pawh kan la ziak ang chu tiraw. Nangni ang min fuihtu in awm hian a nuam thin.
ReplyDeletePu Sangpuipa: Amah lo hi chu innghana dang awm miah hek lo. A kuchak taka inkawltir hi a lo hahdam ber mai. I ngaihawm vawng vawng thin hle mai.
Sir Caribou: Nia a hahthlaka ng reng phian. An zinga pathum phei chuan paih puk an la thiam lova ka tihpui tak tak a ni. Blackboard teaching bakah Table teaching kha ka ti nasa leh zual. Zing dar 6 atanga zan dar 10 thleng (chawlh lailawk kan nei hlek) kan inzirtir a nuam dangdai ve khawp mai. Chaw pawh ka ei hman tawk zel a ni. Mahse CONVICTION tha tak nei chunga pui ka ni bawk a nuam ka ti em em.
Nia, Pi Maengi khi BBS lama min zirtirtu kha a ni.
A zavaiin ni 33 kan inzirtir hman a nih chu. Sylabus kan zo chiang khawp mai. Hei hi a mak miah lova ka chhut dan chuan a zavaiin darkar 482 vel kan inzirtir a ni. Ka awm laiin subject dang an zir miah lo tihna a nih chu. Lo tel ve la nuam i ti ngawt ang.
Pu Art: I comment hian mi tithlamuang khawp mai. PAwlna ka dawn Bible chang milin min lo dah sak thlap mai a. Ka lawm khawp mai.
Pathian ropui nan a nih loh chuan engmah tih hi a awmzia lo takzet a ni. Pauala'n Isua Krista Kraws lo chu ka chhuan lo turzia mai chu... a tih kha keimahah hian ni ve deuh deuh se ka ti thin.
I thu leh hla, mi zinga Pathian i tanna hi a ngaihnawm ka ti thin hle. I finnate Ama tan i hmang zel a, keini tan entawn tur kan nei zel a ni.
Ni e, kan Pathian chu fakin awm sela, Isua Krista chawmawiin awm mawlh rawh se!