Kan Bible hi a bul atanga a tawp thleng hian Isua hlimthla leh a chanchin sawina vek a ni a. Genesis atanga Thupuan inkara kan Bible thupui ber chu ‘Chhandamna thu’ a ni mauh mai. Isua Krista ngei khan heti hian a sawi a ni, “ Pathian Lehkha in chhiar ngun thin, a chhungah chatuana nunna awma in rin avangin: chung Lehkha chu ka chanchin hriattirtu chu a ni si a…” (Johana 5:39) tiin. Thuthlunghlui atangin Lal Isua hi entirna hmangin lo tih lan a ni thin a, tin Zawlnei tamtakin a lo kal hun tur an hrilhlawk thin bawk a ni.
Thuthlungthara Chanchintha palite hian Isua lo kal dan, a tisa put lai ni atanga min chhandam hun thlengin min hrilh a. Lehkha thawnte hian Isua chhandamtu a nih zia leh a lo kal leh dan tur min hrilh a ni. Thuthlung Hluia Isua tin zawn a nihdan chu ziak ta lo mai ila. Thui tak ziak a hlauhawm avangin Thuthlung Thar atang hian Isua miin an lo tinzawn dan hi hmun hnih chauh han thurchhuak teh ang aw…
Pu Tirhkoh Paula ngat phei hi chuan Isua hi a tinzawn hnasa hle a. A lehkhathawn zawng zawng hi han chhiar ta ila- thilsiam chungchang thu te, mihring nunphung te, dan thu te, rinna thu te, thlarau thu te, thil sual leh thil tha te leh chhandamna thute hi a ziak nasa hle a. Mahse a thu ziak zawng zawngah khan Krista Isua teh khawng ah a hmang a, a tawpah chuan Krista Isua-ah bawk a hmawr a bawk leh thin. Pu Paula hi chu Vanramah pawh Isua thihna leh thawhlehna bak a sawi duh loh hmel asin, ‘Thisen thisen’ tia kan zai dup dup lai hian Lallukhum chhah lo deuhte hnenah, Isua tuarna bawk kha kil khatah a lo hrilh leh chhen mai ka ring fiamthu mai mai thin.
Pu Tirhkoh Paula’n Atheni khuaa Areopagi-ah ‘Hriatloh Pathian tan’ tih thupui hmanga sermon turu lutuk a thlak tum pawh khan a sawi tan dan kha a dangdai khawp mai. Atheni khua kha sakhaw mi tak an ni a. An rin dante kha a sawi kual vel a ni. Tunlaia kan kohhran Upa leh Pastor te’n ngaithla ve sela, a thusawi tan tirh lai velin an hawi phawk nasa viau awm mange aw ka ti thin, kei ngei pawh hi ka bang chuang hauh lo ang. Mahse an Pathian rin dan a sawi kual vak hnu khan Isua Krista thihna leh thawhlehna chu kan chhandamna a nih zia sawi chung zelin a sermon ropui chu a titawp ta nih kha(Tirhkohte 17: 16-34). Chutuiang zelin Pu Paula hian Isua Krista lo chu thupuiah a nei meuh lo a ni.
Isua vana a lawn chhoh dawna zirtirte hnena pek a tiam Thlarau Thianghlim a lo thlen dan chanchin pawh hi a ngaihnawm ka ti thin. Thlarau Thianghlim avang khan tih danglamin an awm a, anmahni ngei pawh khan mak an ti viau a nih kha. Mahse Thlarau Thianghlim Isua lo chawimawitua leh ringtute puitu tur kha an ngaihpawimawh ber a ni lo tlat mai. Boss ber Pu Petera a lo ding chhuak a Zawlnei Joela thu ziak atangin bul a tan a, Isua thih thu te, Pa dinglama a thut thu te leh thawhlehna thute a sawi piap piap mai a nih kha (Tirhkohte 2: 14-41).
Bibleah hian Isua Krista hi a laiah hian an lo dah zel a lo ni. Kan kristian nunah hian han chhut ta ila. Kan Biak In mawi tak kan hmuh hian Isua nge kan dah pawimawh a kan Biak In mawina… Isua chawimawitu leh a hmanruate hi kan lo la thutak ber thin ang tih a hlauhawm hle. I chhass chhe lo tak mai leh mawina zawng zawng nei tu ni awma i hlut thin ngei nena in awm dun laite khan Isua i ngaihtuah chhuak thin em? A nih loh chuan a sirah i hnawl a ni ngei ang. Harsatna kan tawh changin Isua hi a laiah kan dah thei thin pawh a ni mai thei, a nih leh kan hlim niin, miin min chawimawiin kan thinlung lai ber hi a chang em le aw?
Bible zirtute hi a tlangpuiin Christocentric (focussing Jesus) tarmit bun chunga Bible thu zir tura fuih an ni thin. Genesis bu a ni emaw Thupuan chungchang emaw pawh ni rawh se Isua focus tak chung zelin an zir thin. A tha ka ti thin khawp mai. Mahse a chang chuan rawngbawltu, thuhriltu leh Upa thenkhatte hian Isua hi an lo focus lo deuh thin a, kan kristian thu rinah hian kan buai leh thin a lo ni. Hemi avang hian rinna dik lo pawh a lo chhuak fo reng a ni. … Science leh Philosophy i zir hian Isua tin zawn chungin i zir em.. nge nakinah atheist i ni ve mai dawn? Gap theory kan chhiar hian Isua a laiah kan dah em? Zirtirna dik lo pek chingte nen hmaichhana kan inkawm changte hian Isua hi a laiah han dah tlat thei ila aw kan harsatna tamtak hi a kiang ngei ang le. Isua Krista hi a laiah awm mawlh rawh se.
Thuthlungthara Chanchintha palite hian Isua lo kal dan, a tisa put lai ni atanga min chhandam hun thlengin min hrilh a. Lehkha thawnte hian Isua chhandamtu a nih zia leh a lo kal leh dan tur min hrilh a ni. Thuthlung Hluia Isua tin zawn a nihdan chu ziak ta lo mai ila. Thui tak ziak a hlauhawm avangin Thuthlung Thar atang hian Isua miin an lo tinzawn dan hi hmun hnih chauh han thurchhuak teh ang aw…
Pu Tirhkoh Paula ngat phei hi chuan Isua hi a tinzawn hnasa hle a. A lehkhathawn zawng zawng hi han chhiar ta ila- thilsiam chungchang thu te, mihring nunphung te, dan thu te, rinna thu te, thlarau thu te, thil sual leh thil tha te leh chhandamna thute hi a ziak nasa hle a. Mahse a thu ziak zawng zawngah khan Krista Isua teh khawng ah a hmang a, a tawpah chuan Krista Isua-ah bawk a hmawr a bawk leh thin. Pu Paula hi chu Vanramah pawh Isua thihna leh thawhlehna bak a sawi duh loh hmel asin, ‘Thisen thisen’ tia kan zai dup dup lai hian Lallukhum chhah lo deuhte hnenah, Isua tuarna bawk kha kil khatah a lo hrilh leh chhen mai ka ring fiamthu mai mai thin.
Pu Tirhkoh Paula’n Atheni khuaa Areopagi-ah ‘Hriatloh Pathian tan’ tih thupui hmanga sermon turu lutuk a thlak tum pawh khan a sawi tan dan kha a dangdai khawp mai. Atheni khua kha sakhaw mi tak an ni a. An rin dante kha a sawi kual vel a ni. Tunlaia kan kohhran Upa leh Pastor te’n ngaithla ve sela, a thusawi tan tirh lai velin an hawi phawk nasa viau awm mange aw ka ti thin, kei ngei pawh hi ka bang chuang hauh lo ang. Mahse an Pathian rin dan a sawi kual vak hnu khan Isua Krista thihna leh thawhlehna chu kan chhandamna a nih zia sawi chung zelin a sermon ropui chu a titawp ta nih kha(Tirhkohte 17: 16-34). Chutuiang zelin Pu Paula hian Isua Krista lo chu thupuiah a nei meuh lo a ni.
Isua vana a lawn chhoh dawna zirtirte hnena pek a tiam Thlarau Thianghlim a lo thlen dan chanchin pawh hi a ngaihnawm ka ti thin. Thlarau Thianghlim avang khan tih danglamin an awm a, anmahni ngei pawh khan mak an ti viau a nih kha. Mahse Thlarau Thianghlim Isua lo chawimawitua leh ringtute puitu tur kha an ngaihpawimawh ber a ni lo tlat mai. Boss ber Pu Petera a lo ding chhuak a Zawlnei Joela thu ziak atangin bul a tan a, Isua thih thu te, Pa dinglama a thut thu te leh thawhlehna thute a sawi piap piap mai a nih kha (Tirhkohte 2: 14-41).
Bibleah hian Isua Krista hi a laiah hian an lo dah zel a lo ni. Kan kristian nunah hian han chhut ta ila. Kan Biak In mawi tak kan hmuh hian Isua nge kan dah pawimawh a kan Biak In mawina… Isua chawimawitu leh a hmanruate hi kan lo la thutak ber thin ang tih a hlauhawm hle. I chhass chhe lo tak mai leh mawina zawng zawng nei tu ni awma i hlut thin ngei nena in awm dun laite khan Isua i ngaihtuah chhuak thin em? A nih loh chuan a sirah i hnawl a ni ngei ang. Harsatna kan tawh changin Isua hi a laiah kan dah thei thin pawh a ni mai thei, a nih leh kan hlim niin, miin min chawimawiin kan thinlung lai ber hi a chang em le aw?
Bible zirtute hi a tlangpuiin Christocentric (focussing Jesus) tarmit bun chunga Bible thu zir tura fuih an ni thin. Genesis bu a ni emaw Thupuan chungchang emaw pawh ni rawh se Isua focus tak chung zelin an zir thin. A tha ka ti thin khawp mai. Mahse a chang chuan rawngbawltu, thuhriltu leh Upa thenkhatte hian Isua hi an lo focus lo deuh thin a, kan kristian thu rinah hian kan buai leh thin a lo ni. Hemi avang hian rinna dik lo pawh a lo chhuak fo reng a ni. … Science leh Philosophy i zir hian Isua tin zawn chungin i zir em.. nge nakinah atheist i ni ve mai dawn? Gap theory kan chhiar hian Isua a laiah kan dah em? Zirtirna dik lo pek chingte nen hmaichhana kan inkawm changte hian Isua hi a laiah han dah tlat thei ila aw kan harsatna tamtak hi a kiang ngei ang le. Isua Krista hi a laiah awm mawlh rawh se.
I ziak tha kher mai. I thuziakah i chiang a, i ziah tum tak pawh i phawk chhuak fuh khawpin ka hria. Engkima Isua a laia dah zel hi, theih nise a tha tur, mahse a harsa hle si a le.
ReplyDeletenanghi i facebook tluk2 amaw tih laiin rinna lam ah hi chuan kan tluk lo hle mai che.....thu tha tak ani i ziah hi
ReplyDeleteA ngaihnawm e!! Theologian zingah pawh Isua alaia dah lo an tam tak hlena khawvelah hian, Isua alaia dah zel pawimawhna hi a sang tual tual dawn niin alang!.
ReplyDelete@sekibuhchhuak i sawi hi adik khawp mai..abik in Bth zirlai thenkhat hi hmelhriat ka nei nula,a hming in an zir ve a nimai..post tupa ziahdan tak in alaiah isua an ti lo a,,,a hming in isua tia zir hi an tamkhawp mai..a zialo khawp mai
ReplyDelete@Sir: Ka thuziak apiang hi hma takah hian min lo chhiar sak hman ziah mai a, ka va lawm thin tak em! Sir nih i tlin e. Ka lawm tak zet.
ReplyDelete@Mama: I lo leng lut thin a, ka lawm e. Ka chak bik lo khawp mai. Nu leh pa leh lainate tawngtaina zar ka zo a ka nung ve tawk tawk a ni...
ReplyDelete@Pu Seki: Min lo chhiarsak a ka lawm hle mai. I tluan theihna ka lo tawngtai zeuh zeuh thin.
Isua hi a laia dah hi a har mai ni lova a then phei hi chuan a laiah dah tur a ni tih hi an lo theihnghilh palh thin a chuvangin ka'n lo thai ve a nih hi...
A laiah Isua.. A va han pawimawh em! He sentence hi ka hmu a, ka chhiar fo. Mahse, i thuziak ka chhiar atangin 'A laiah Isua' chu eng nge a nih ka hriatchian phah e. I thuziak a ropui khawp mai.
ReplyDelete@TS: I thuziak leh sawi chhuah hi a awmzia thei khawp mai.I thuziak tam zawkte hi nunpui theih thusawi leh experience atanga i sual chhuah liau liau a ni thinin ka hria.
ReplyDeleteHetah leh misual site-ah awmze nei takin min comment sak a ka lawm takzet a ni. Keimah angin I hlawkpui ve niin ka hria.
I chungah ka lawm em em e!